Kuri iki Cyumweru tariki 02/03/2025 Abanyeshuri bo muri groupe Vocationaire ba College Sainte Marie Reine Kabgayi, abahungu n’abakobwa, basuye urugo rw’ababikira ba Mutagatifu Yozefu b’i Gerona batuye muri Paruwasi ya Mutagatifu Andereya ku Kabeza.
Ni mu rwego rwo kumenya byimbitse uyu muryango n’ubutumwa bakora.
Muri uru rugo ni ho hatuye Mama Georgette, umurezi muri College Sainte Marie Reine Kabgayi akaba yigisha iyobokamana.

Hamwe n’ababikira b’aba Saint Joseph, abana bafashe umwanya wo gusenga, gushengerera no gusangira ubuzima buranga abiyeguriyimana muri uyu muryango.