Hafi y’umujyi wa Muhanga, ku musozi utuje uzengurutswe n’ubwiza karemano n’umwuka w’amasengesho, hari chapelle izwi ku izina rya Fatima. Iyi nyubako iri mu bihangange by’ukwemera byo mu karere ka Muhanga, ahamenyerewe nk’umwe mu mitima y’ukwemera Gaturika mu Rwanda.

Chapelle ya Fatima yubatswe mu rwego rwo gufasha abayemera kubona ahantu ho kwegera Imana mu ituze n’isengesho. Ifite ishusho ya Bikira Mariya wa Fatima, irimbishijwe mu buryo bwiza ariko buha icyubahiro ubusabane n’Imana.

Uretse kuba ari ahantu hatagatifu, ni n’isoko y’ituze, ibitekerezo byimbitse n’imibanire n’Imana.

Mu rwego rwo gusabana n’Imana no kurushaho gutekereza ku rugendo rwabo rw’ukwemera, abanyeshuri ba Collège Sainte Marie Reine Kabgayi bahisemo ko muri iki cyumweru cyose, bazajya bajya muri iyi chapelle ya Fatima buri munsi uko buri cyiciro kizagenda kigira umwanya wacyo:

• Kuwa Mbere: Abanyeshuri bo mu mwaka wa mbere (S1) barangije gusura.
• Kuwa Kabiri: Hazasura abanyeshuri bo mu mwaka wa kabiri (S2).
• Kuwa Gatatu: Ni umunsi w’abanyeshuri bo mu mwaka wa gatatu (S3).
• Kuwa Kane: Hazasura icyarimwe abanyeshuri bo mu mwaka wa kane na gatanu (S4 & S5).
• Kuwa Gatanu: Icyumweru kizasozwa n’urugendo rw’abanyeshuri bo mu mwaka wa gatandatu (S6).

Ni icyumweru cyatangiye mu isengesho, kizarangira mu busabane n’Imana. Chapelle ya Fatima irabategereje bose, nk’uko Bikira Mariya ahora ategereje abana be ngo ababambikire urukundo n’uburinzi.

____________________________________________________________________

Byateguwe kandi byatanzwe na MWIZERWA KAREKEZI Bertrand

Umunyeshuri wo muri S5MCE.